प्रेम प्रस्ताव आउँछन्

परदेशमा रहेका बाबु र गृहिणी आमाकी छोरी, उर्लाबारीकी रोजिना श्रेष्ठ स्थानीय सप्तकोसी आवासीय विद्यालयमा अध्ययनरत छिन्। रोजिना  अहिले आफ्नो नृत्यकलामार्फत चिनिन थालेकी छिन्। किशोरावस्था पार नगरेका धेरैजसोलाई भविष्यमा के बन्छौ ? भनेर प्रश्न गर्‍यो भने  डाक्टर, इन्जिनियर वा सरकारी सेवाको नाम लिन्छन् तर रोजिनाले भविष्यमा 'मोडलिङ'मा जम्ने बताइन्। 'सबैभन्दा ठूलो कुरा आफ्नो इन्टे्रस्ट  हो,' उनले  भनिन्- 'मलाई मोडलिङमै जम्न सक्छु भन्ने कन्फिडेन्स छ।'

सानै उमेर भए पनि ५ फिट ३ इन्च अग्ली रोजिनालाई ' फिजिकल फिटनेस'ले पनि साथ दिएको छ। विद्यालयमा हुने सांगीतिक कार्यक्रम एवं  स्थानीय स्तरमा हुने मेला महोत्सवमा जम्न थालेकी रोजिना नृत्यको आधारभूत तालिम लिएर आफूलाई कोरियोग्राफरका रूपमा चिनाउन  चाहन्छिन्। क्याजुअल ड्रेस र मिनिस्कर्ट उनलाई सहज लाग्ने पहिरन हुन्। मोडलिङमा जम्न थालेपछि 'ग्ल्यामर' र 'भल्गर'का कुरा सामान्य  मानिन्छन्, कतिसम्म 'एक्स्पोज' हुने त ? बाठी रोजिनाले रेडिमेड जवाफ दिइन्- 'समाजले पचाउनेसम्म खुल्छु।' अहिलेसम्म कसैलाई ब्वाइप्रे mन्ड नबनाएको बताउने रोजिनाले प्रेम प्रस्ताव भने आउने गरेको बताइन।

प्रचार/पृष्ठसंकेत/मूल्याङ्कन