नेपालको सानदार जीत, पाकिस्तान ८–० ले पराजित
साफ वुमेन्स च्याम्पियनसीप
सहयोगी लिङ्कहरू
» एउटै पृष्ठबाट हाम्रा सबै इ-पेपरहरू पाउनुहोस् !
» हाम्रा चिरबिरे पारखीहरूका लागि !
» आफूलाई चाहिएको मितिको मात्र लेख/समाचार पाउनुहोस् !
» चाहिएको मिति/लेखक/वाक्यांश रोजी गर्नोहोस् लेख/समाचारको खोजी !
कोलोम्बो (श्रीलंका), भाद्र २३ - नेपालले दोस्रो वुमेन्स साफ च्याम्पियनसिपको पहिलो खेलमा शनिबार पाकिस्तानविरुद्ध ८-० गोल गरेको छ ।
सीआर एन्ड एफसी मैदानमा कप्तान जमुना गुरुङ एक्लैले चार गोल गरिन् । उनले ३७ औं मिनेटमै ह्याट्रिक पूरा गरेकी थिइन् । दोस्रो साफमा ह्याट्रिक गर्ने उनी पहिलो खेलाडी हुन् । उनले नेपालको लागि हालसम्म २१ गोल गरिसकेका छन् । यो गोल संख्या नेपाली फुटबलरले गरेको हालसम्मकै सर्बाधिक हो ।
जमुनाले नवौँ, ३२ औँ, ३४ औँ र ४४ औँ मिनेटमा गोल गरेकी हुन् । प्रमिला राई १६ औँ, अनु लामा ५१ औँ सजना राना ४२ औँ र दीपा अधिकारीले ७२ औँ मिनेटमा एक एक गोल गरेका थिए ।
नेपालले सोमबार माल्दिभ्सको सामना गर्नेछ । पहिलो हाफमा पाकिस्तान निरीह देखियो । तैपनि नेपालको खेल सुन्दर भन्न चाँहि मिल्दैन ।
अग्रपंक्तिमा नेपालले राम्रो खेल प्रदर्शन गरे पनि रक्षपंक्ति खासै चुस्त देखिएन । तैपनि पाकिस्तानले दुईपल्ट मात्र पोष्ट आक्रमण गर्यो । आजकै खेलबाट घिमकुमारी गुरुङले अन्तर्राष्ट्रिय फुटबलमा डेब्यू गरेकी छिन् ।
सन् २०१० को फेब्रुअरीमा ढाकामा भएको ११ औं दक्षिण एसियाली खेलकुदमा नेपालले पाकिस्तानलाई ७–० ले हराएको थियो । कक्स बजारमा डिसेम्बरमा भएको पहिलो साफ वुमेन्स च्याम्पियनसिपमा पाकिस्तानविरुद्ध नेपालले १२–० को जित रचेको थियो ।
लाइभ अपडेट हेर्न यहाँ क्लिक गर्नुहोस्
....
९०, हुर्रेर्रेर्रेर्रेर्रेर्रेर्रेर्रेर्रेर्रेर्रेर्रेर्रेर्रेर्रे । नेपाली चेलीको जीत । साफ वुमेन्स च्याम्पियनसिपमा पाकिस्तान ८–०ले पराजित । नेपालले सोमबार माल्दिभ्सको सामना गर्नेछ । सोमबार बिहान पौने ९ बजेदेखि खेल हुनेछ ।
....
८८, अनु लामाले अर्को गोल गरेकी छिन् । तर रेफ्रिले अफसाइड दिए ।
....
८०, दस मिनेटको खेल बाँकी । नेपालले लगातार दबाब दिइरहेको छ । तर थप गोल गर्न सकेको छैन । पाकिस्तान राम्रो मुभ बुन्न असफल ।
....
७६, नेपालले खेलमा पेनाल्टी क्षेत्र नजिक पहिलो फ्रि–किक पाएको छ । लक्ष्मी पौडेलको प्रहार पाकिस्तानी डिफेन्सले क्लियर गरे ।
....
७२, दीपा अधिकारीको सुन्दर गोल । नेपाल ८–० पाकिस्तान
....
६८, टिमका उत्कृष्ट ३ खेलाडी कप्तान जमुना गुरुङ, निरु थापा र प्रमिला राईलाई आराम दिएपछि नेपालको खेल केही सुस्ताएको छ । तर ६८ मिनेटसम्म पाकिस्तानमाथि दबाब कायमै राखेको छ ।
....
६३, प्रमिला राईको स्थानमा कृष्ण खत्री मैदान प्रवेश गरेकी छन् ।
....
६०, नेपालले पाकिस्तानलाई दबाबमा राखिरहेको छ । बल पाकिस्तानको पेनाल्टी क्षेत्र वरिपरि नै छ । ६० मिनेटसम्म नेपाल ३–० ले अगाडि छ ।
....
५६, सजना रानामगरको प्रहार पोष्टमा लागेर फर्कियो ।
....
कप्तान जमुना गुरुङको ठाउँमा अन्जली वाइवा मैदानमा प्रवेश गरिन् ।
....
५१, अनु लामाले गोल गरिन् । नेपाल ७–०ले अगाडि छ । पाकिस्तानले गोल गर्न सकेको छैन ।
....
दोस्रो हाफपछि खेल सुरु भएको छ ।
....
मध्यान्तर भएको छ । पाकिस्तानसँग नेपाल ६–०ले अगाडि छ ।
....
४४, जमुना गुरुङले फेरि गोल थपिन् । यो उनको चौथो गोल हो । नेपाल ६–०ले अगाडि छ ।
....
४२, सजना रानाले गोल गरिन् । नेपाल ५–० ले अगाडि । पाकिस्तान हतास् भइसकेको छ ।
....
३७, फेरि जमुना गुरुङले गोल थपिन् । उनले ह्याट्रिक पूरा गरिन् ।
....
३२, फेरि जमुना गुरुङले गोल थपिन् ।
....
१६, फेरि नेपालले गोल थप्यो । प्रमिला राईले गोल गरिन् । उत्साह बढ्यो नेपाली टिममा ।
....
९, जमुना गुरुङले पहिलो गोल गरिन् ।
....
१, खेल सुरु भएको छ । पाकिस्तानविरुद्ध विजय हासिल गर्न नेपाली महिला टिम मैदानमा उत्रिएको छ ।
प्रकाशित मिति: २०६९ भाद्र २३ ०९:१६
तपाईंको प्रतिकृया