कर्मचारीलाई कारबाही माग
जिविसको अनियमिततामा संलग्न कर्मचारीमाथि कारबाही माग गर्दै गरिएको प्रदर्शन ।
तस?बिर : श्यामसुन्दर शशि/कान्तिपुर
जनकपुर, भाद्र १३ - आर्थिक अनियमितता आरोपमा निलम्बित जिविस धनुषाका १८ कर्मचारीमाथि कारबाही माग गर्दै बुधबार प्रदर्शन गरिएको छ । जनकपुर नागरिक समाज तथा रामानन्द युवा कमिटी पहलमा भएको प्रदर्शनमा दोषी कर्मचारीमाथि कारबाहीका लागि दबाब दिएको थियो । प्रदर्शनकारीले प्रमुख जिल्ला अधिकारीमार्फत सरोकारवालालाई ज्ञापनपत्रसमेत बुझाएका छन् ।
ज्ञापनमा अनियमिततामा संलग्न कर्मचारीमाथि कडा कारबाही हुनुपर्ने उल्लेख छ । यसअघि पूर्वसभासद सञ्जयकुमार साह नेतृत्वको मधेस क्रान्ति फोरमले पनि दोषी कर्मचारीमाथि कारबाहीको माग गरेको थियो ।
सुनसान कार्यालय
निजामती सेवाका दुई अधिकृतसहित १८ कर्मचारी निलम्बनमा परेयता जिविस सुनसान देखिएको छ । सेवाग्राहीको संख्यामा कमी आएको छ भने कार्यालयका शाखाहरूमा कर्मचारी भेटिन्नन् । कर्मचारीलाई निलम्बन पुर्जी बुझाएर बिदामा बसेका स्थानीय विकास अधिकारी केदारबहादुर बोगटी अझै फर्केका छैनन् ।
सधैं भरिभराउ देखिने प्राविधिक कार्यालय, योजना शाखा तथा लेखा शाखा सुनसान छन् । निलम्बनमा परेका केही कर्मचारी कार्यालय आए पनि आफ्नो कुर्सीमा बसेका छैनन् । उपप्रधान तथा स्थानीय विकासमन्त्री नारायणकाजी श्रेष्ठ नेतृत्व उच्चस्तरीय टोलीले कार्यालयका अन्य फाइलसमेत लगेकाले बाँकी बचेका कर्मचारी पनि त्रसित छन् । कुनै पनि कर्मचारी सञ्चार माध्यमसित बोल्न मान्दैनन् ।
प्रकाशित मिति: २०६९ भाद्र १४ ०८:४४
तपाईंको प्रतिकृया
Today's Paper
The Kantipur in Print
FROM THE PAST 7 DAYS
ENTER KEYWORD OR DATE
FROM THE PAST 7 DAYS
ENTER KEYWORD OR DATE
अविन
म त कहीं जागिर मिलाइदेला कि भनी आ’ !... अनि तपैं नि ?
विज्ञापन
हाम्रा प्रकाशनहरु :
